UBSP Grupu Feto BOBOLOA Fahe Osan Funan Tinan Fiskal 2009-2010

Grupu Feto BOBOLOA , Aldeia Bihala Suco Bobocase durante ne’e konhesidu hanesan grupu feto permeiru produs sanan rai no buat oin-oin husi fila liman uja rai mean ka tanah liat ba produtu local furak ne’ebe distribui ona ba ninia konsumidores iha Oecusse rasik no mos nivel nasional.

Grupu BOBOLOA ne’ebe kompostu husi Feto 20 ne’e organiza aan depois hetan treinamentu rai osan no fila liman ba nivel uma kain no grupu husi Centro Feto Enclave Oecusse iha tinan 2007 liu husi programa Jaringan Perempuan Usaha Kecil –JKPUK projeitu Usaha Bersama Simpan Pinjam nian( UBSP)

Iha remata fulan Julhu 2010, iha loron 26,Chefi Grupu ne’e , Domingas Colo hare fasilita no lidera hela membrus grupu tomak atu hasoru malu ba fulan ikus nian tinan fiscal 2009-2010 atu fahe osan resin negosiu grupu nian liu husi UBSP.

Hahu Junhu 2009 to Julhu 2010 grupu BOBOLOA rai no poupa osan husi fa’an produtu lokal membrus nian ba grupu laran, osan funan ne’e entre 10% to 20% tamba membrus ne’ebe barak no sempre hetan resultadu diak iha merkadu, grupu ne’e konsege rai osan nato’on ba grupu nian hodi fila ba rai no haburas osan.

Imaculada Hanjam Soriano, Team leader Advokasia husi Centro Feto Nian Hateten : iha ne’e ita hare iha ligasaun entre programa Advokasia liga ba lideransa feto sira nian iha grupu laran, ami koko atu integra programa lideransa ba feto sira liu husi saida maka eksisti iha sira nia sistema rasik, liu husi grupu ne’e ami mos fo kapasitasaun ba sira oinsa atu bele sai lideransa ba gurpu kiik uluk iha sira nia leet, hahu husi tinan 2007 grupu ne’e konsege ona produce kada tinan struktura differente ba maluk feto iha grupu ne’e nia laran.

Sistema lideransa ne’e hili diretamente husi membrus sira liu husi Votasaun, kampanya durante minutu 15 antes no halo kandidataan atu nune kada membrus iha opportunidadi hanesan atu tuur iha struktura grupu laran hanesan sai Chefi grupu, Finanseiru s no mos Sekretaria. Sistema ne’e to agora tinan 3 ona hetan progressu positifu no liu husi UBSP ne’e mos fo falor ba lideransa grupu ou Pengurus sira bele hetan sira nia insentivu husi SHU ne’ebe iha ho montante 10%.

Alende ne’e tuir Domingas Colo, nudar Chefi grupu BOBOLOA sira hare katak UBSP halo sira metin liu tan iha reuniaun kada fulan, ida ne’e dalan diak liu atu kesi metin liu tan sira nia membrus sira, iha kada fulan sira determina ona data 26 hanesan data reuniaun mensal nian, membrus hotu tengki mai hamutuk iha chefi grupu nia uma hodi hare progressu sa deit maka akontese iha grupu laran inklui hatoo sira nia reklamasaun, halibur osan membrus mensal nian no fo sai osan impresta ba membrus sira ne’ebe persija.

No ida ne’e foin lalais ne’e hamutuk ba dala ikus iha tinan 2009-2010 nian tamba ne’e membrus hotu husu atu sura sira nia osan funan tinan nian, no grupu ne’e konsege hetan to montante USD $ 1280.00.

Husi ne’e 10% hasai ba selu pengurus sira, no resin husi ne’e hasai tan 10% ba modal foun no nia resin fahe ba membrus sira tuir funan ne’ebe sira iha durante tinan ida nian no seluk fahe total hanesan osan kolen.

Encontru ne’ebe lidera husi Chefi Grupu Feto BOBOLOA ne’e mos ikus taka ho mudansa ba prosesu kandidatura foun ba struktura Chefi, Sekreataria no Finanseiru nian ho assistensia husi Centro Feto Enclave Oecusse.

Antes remata encontru ne’e hetan resultadu tuir ekspektasaun membrus nian atu halo mudansa ba struktura tinan foun 2010-2011 nian no taka buku UBSP tinan 2009-2010.

Grupu ne’e offisialmente loke UBSP foun ba tinan 2010-2011 iha Fulan Oin Mai data 26 Augustu 2010.

Ba informasaun Klaru Liu tan kontaktu

Anastasia de Jesus da Silva

Manager Programa Centro Feto Enclave Oecusse

Telf : + 670 7780445

Email : centrofeto_enclaveoecusse@yahoo.com

Ou bele mos visita ami nia blogspot iha

http://oecusseenclave.blogspot.com/

Centro Feto Lansa Kooperatifa “TAIS FETO BITIMO”

Sigunda Dader 25 Julhu 2010, iha Officina iha Palaban,Kiu Maria, Centro Feto halao hela Lansamentu ba harii Kooperatifa foun ho naran TAIS FETO BITIMO

Ideas nebe mai husi lisaun durante tinan ida sai ligador ba Grupu Feto Faan Tais sira nebe namkari iha Distrito Oecusse nee oras nee bele attende ona ho sistema nebe diak liu husi hari no estabelese centro ba Kooperatifa TAIS FETO BITIMO nee

Marta Lafu, Kaben husi Yakobus Alefit, feto ida husi Aldeia Baqui sai hanesan Chefi ba ligasaun grupu nian hodi rekolha Tais mai husi grupu Feto inklui individual nian hodi halibur hamutuk iha Kooperatifa nee.

Kooperatifa TAIS FETO BITIMO nee mayoria produc husi Grupu feto sira nebe mos hetan suporta husi Centro Feto liu husi treinamentu fila liman, suporta mos ho material hanesan kabas no treinamentu ba aksesu ba merkadu nian

Oras nee dadauk modelu hodi rekolha simu tais sei simu liu husi grupu hirak nebe mai rai no faan tais iha Kooperatifa nee

Tuir Manager Programa Centro Feto Enclave Oecusse nian Anastasia da Silva katak : Tais Feto Oecusse nian konheseidu ona iha nivel Nasional no Regional inklui mos international, durante tinan 4 ona Centro Feto mos halo ligasaun diak ho Vendor lokal no nasional inklui individu balun nebe sempre hakarak atu husu no sosa Tais Oecusse, tamba iha nia falor nebe uniku, Tais Oecusse nee sempre sai order numeru permeiru husi Dili, exemplu balun, order hirak nebe durante nee husu barak liu mai husi Fundasaun Alola nudar NGO nasional ida nebe maka suporta sustentavel ekonomia grupu feto sira iha Oecusse.

Hatutan tan mos husi Manager CFEO nee katak

Grupu hirak nebe oras nee organiza aan hari kooperatifa nee bele hetan treinamentu diak liu tan oinsa atu aksesu ba merkadu hanesan hanoin atu liga sira ho PDT liu husi programa BUY LOCAL AND BUILD TIMOR LESTE, alende nee mos liu husi fasilita Partisipasaun grupu nee iha Festival Kultura nebe kada tinan-tinan sei halao iha Distrito no nasional bele mos sai dalan ida nebe diak liu atu promove tais Feto Oecusse.

CFEO oferese tempu diak ba publiku tomak no sidadaun Oecusse tomak atu bele hola parte iha lansamentu kooperatifa TAIS FETO BITIMO nee hodi fahe infromasaun ba falorizasaun tais feto Oecusse nian I nakloke mos ba publiku atu simu order husi nebe deit.

Antes atu taka lansamentu nee, Marta Lafu, Inan husi oan nain 4 nudar Chefi grupu Kooperatifa nee hateten, nia sente urgulhu tebes tamba iha ona meius diak ida atu hare ba oin oinsa feto sria bele halibur hamutuk sira nia produtu nebe sai hanesan aset boot liu ba sira nia uma kain.

Populasaun Oecusse nebe mayoria agrikultur hare ba Tais hanesan aset permeiru atu faan wainhira konsidera krisi orsamentu iha uma laran mosu, maski nune Feto sira hare katak mayoria Mane sempre domina iha faan animal hanesan Karau ou fahi no feto hanoin liu atu halo sira nia tais no faan fali hodi sustenta sira nia uma laran.

Folin tais kiik no boot ba feto no mane iha kooperatifa nee kuantitatifas entre USD $ 5.00- $ 100.00

Ba informasaun klaru liu tan kontaktu

Anastasia de Jesus da Silva

Manager Programa CFEO

Telf : + 670 7780445

Email : centrofeto_enclaveoecusse@yahoo.com

Ou bele mos visita ami nia blogspot iha

http://oecusseenclave.blogspot.com/

Membrus Konseleiru eleitu feto no mane nain 33 husi Suku 3 iha Sub Distrito Oesilo hetan konhesementu kona ba CEDAW

Sede Juventude Suco Usitacae iha Sub Distrito Oesilo iha loron dadersan dia 19 Julhu 2010,hare ba lahanesan babain, feto no Mane sira husi membrus konseleiru Suku tolu hola parte iha Sub Distrito nee halibur hamutuk iha Sede nee hodi hahu Sosializasaun kona ba Konvensaun Hapara Formas Diskriminasaun Hotu kontra Feto ka CEDAW nebe fasilita husi Centro Feto enclave Oecusse.

Suku 3 parte ba Sub Distrito nee maka hanesan Suku Bobometo, Suku Usitaqueno no Suku Usitasae rasik. Iha total iha Feto Eleitu nain 9 no mane hamutuk nain 24 maka partisipa iha sorumutuk durante loron 3 nee.

Socializasaun nee halao ho objektifu atu rona no fahe informasaun basiku kona ba rekomendasaun husi Relatoriu inisiu CEDAW ba dala uluk nian ba autoridadi lokal sira iha nivel sub dsitrito.

Imaculada Hanjam Soriano nudar Project team leader ba CFEO nian konfesa katak Sorumutu nebe organiza husi NGO LOKAL BIFANO nee hetan antusiasmu makaas husi membrus konseleiru suku sira husi suku 3 iha Oesilo no identifika duni problemas prinsipal sira nebe feto hasoru hanesan diskriminasaun.

Centro Feto tengki servisu hamutuk diak liu tan ho parseiru hanesan NGO lokal sira iha nivel sub distrito hodi bele haforsa liu tan kapasidadi membrus konseleiru suku eleitu sira kona ba CEDAW.

Iha parte seluk, Horacio Mala Colo nudar project officer BIFANO nian hateten katak nia organizasaun kontente tebes bele servisu hamutuk ho NGO feto hanesan Centro Feto hodi habelar informasaun kona ba CEDAW to nivel sub distrito liu-liu ba membrus konseleiru suku sira atu sira mos bele hatene diak liu tan oinsa bele hare ba assuntu diskriminasaun hasoru husi feto maluk sira laos tengki feto deit maibe hare mos husi mane sira.

Lia nain Usitacae Cancio Ulan waihira husu nia hanoin ba sorumutu durante loron 3 nee konfesa katak, iha tersiru dia wainhira sira ba halo dada lia ho ninia komunidadi iha aldeia Buqui mayoria feto no mane prokupa liu maka ho issue Trafiku Feto, barak liu oras nee Feto no labarik feto sira sai vitima ba trafiku feto liu-liu tamba Sub Distrito nee iha deit linha fronteira entre Oecusse no Timor Osidental.

Hatutan tan husi Cancio Ulan , maski nune feto no labarik feto sira sidauk hetan proteksaun diak husi suku laran atu bele iha sistema oinsa bele halo registu ba se deit maka sai husi sukularan inklui ba buka servisu iha dili kada fulan tamba liu husi meius hanesan nee bele hetan informasaun klaru kona ba feto suku sira involve no sai vitima duni ba trafiku humanu ka lae.

Sorumutu loron 3 nebe remata iha Kuarta dia 21 nee taka ho foti konkluzaun atu hare ba aksaun hirak nebe identifika ona husi kada konseleiru suku hodi bele sai hanesan rekomendasaun ba ninia suku hodi implementa.

Centro Feto Enclave Oecusse halao aktifidadis ida nee hola parte husi projecktu Harii kapasidadi, lideransa no ekoragem uja CEDAW ka bolu CEDAW BELE nebe hetan tulun husi East Timor Justice Support Service Facilty –ETJSSF parte husi program Suporta ba Justice entre Australian Aid-AUSAID ho Ministeriu Justica Timor Leste –MoJ iha Distrito Oecusse.

Ba informasaun klaru liu tan kontaktu

Anastasia de Jesus da Silva

Manager Programa CFEO

Telf : + 670 7780445

Email : centrofeto_enclaveoecusse@yahoo.com

Ou bele mos visita ami nia blogspot iha

http://oecusseenclave.blogspot.com/

CFEO kongratula Shra. Maria Helena Lopes de Jesus Pires nudar membrus Komisariu CEDAW 2010-2012

CFEO kongratula Shra. Maria Helena Lopes de Jesus Pires nudar membrus Komisariu Eleitu Foun ba Komisaun Eliminasaun Formas Diskriminasaun Hotu Kontra Feto iha Nova Yorke ba Peridu servisu 2010-2012.

CFEO hasai estetmentu ida ne’e hanesan reaksaun ba nomeasaun husi Komisariu CEDAW sira nian iha foin lalais fulan Junhu dia 28 2010 ne’ebe konsege Eleitu Membrus Komisariu CEDAW hamutuk nain 12 inklui Shra, Maria Helena Lopes de Jesus Pires.


Tuir Sebastiana da Costa Pereira, Direktora CFEO, Shra Milena Pires ( naran Badak ) ne’ebe konhesidu ona iha Nivel Regional no international ho ninia lideransa ne’ebe responsifu makaas ba governansia liu-liu iha generu, hatutan tan mos husi Direktora Eksekutifu Centro Feto Enclave Oecusse ne’e , Shra. Milena Pires ninia Esperensia nudar Assesor ba Vice Permeiru Ministru ne’ebe e oras ne’e hanesan nia kargu ikus hare liu ba implementasaun husi observasaun konklusaun CEDAW nian basea ba relatoriu inisiu Estadu Timor Leste nian iha 2009 hodi nune Shra. Milena Pires rasik sai nain duni ba Lalaok implementasaun CEDAW iha ninia estadu no rain rasik, Timor Leste

Alendie Shra Milena Pires husi Timor Leste hamutuk mos iha komisariu nain 12 seluk kompostu husi nasaun membrus partes ba Nasaun Unidas hanesan Turkey, Paraquay, Algeria, Egypt, Israel, Japaun, Bangladesh,Slovenia, Mauritius, Switzerland no Croatia. Komisariu nain 12 ne’e sei iha tempu kada fulan 6 atu halo plenaria hodi hare no verifika relatoriu estadu kada nasaun membrus CEDAW nian hodi rekomeda progressu tuir observasaun konklusaun ba kada periudu. Timor Leste tuir planu sei relata ninia progressu desenvolvementu implementasaun CEDAW basea ba Observasaun Konklusaun ba dala rua tuir mai iha tinan 2012.


Atu hare informasuan klaru liu tan kona ba prosesu eleisaun no lista komisariua nian husi CEDAW bele hare iha linha website ida ne’e  http://www2.ohchr.org/english/bodies/cedaw/elections2010.htm

Ikus liu, nudar Organizasaun Feto ne’ebe Konsentra iha Rai Ketan Enclave, CFEO fiar katak Lideransa estadu tomak inklui ninia representante ambassador husi Timor Leste ba iha Nasaun Unidas sei supporta shra. Milena Pires atu hahu ninia kargu foun nudar komisariu CEDAW nian iha durante tinan 2010 ate 2012.


Ba informasaun klean liu tan kona ba Shra Milena Pires bele hare iha linha website ida ne’e tp://www2.ohchr.org/english/bodies/cedaw/docs/memberscv/pires.pdf



Atu hetan informasaun kle’an favor kontaktu:

Anastasia de Jesus da Silva

Manager Program

CFEO

Telf : +670 7780148

Email : centrofeto_enclaveoecusse@yahoo.com

Aktifidadis Sosializasaun Observasaun Konkluzaun CEDAW Hahu Halao ba dala Uluk iha Sub Distrito Pante Makassar, Oecusse

Iha loron 26 to 28 Maiu 2010, Centro Feto Enclave Oecusse (CFEO), realiza Sosializasaun ba Projeitu Building Empowerment Leadership and Engagement Project Using CEDAW ( BELE UZA CEDAW ) ba membru Konseleiru Suku sira iha Distrito Oecusse hola fatin iha Hotel Lifau durante loron 3.

Projeitu Sosializasaun refere sei fasilita direita husi Offisiais Treinamentu sira ne’ebé antes ne’e hetan treinu ona hanesan Antonio Casenube no Imaculada de Araujo nudar staff Divisaun Advokasia projeitu nian.

Manager Programa CFEO Anastasia de Jesus da Silva , hateten katak, Sosializasaun ne’e nu’udar meius ida atu hasa’e no hametin membru konseleiru Suku atu inteerpreta diak liu Konvensaun atu Elimina formas Diskriminasaun Hotu Kontra Feto no ninia Observasaun Konkluzaun hodi nune bele uza no aplika iha sira nia funsaun hanesan lideransa komunitaria atu difini diak liu tan oinsa halakon formas diskriminasaun hotu kontra feto no integra ida iha programa desenvolvementu suku nian ba feto no mane.

Programa ne’e sei suporta diak liu tan lideransa lokais sira iha suku laran atu difini no identifika lalaok sira ne’ebe konsidera hanesan diskriminasaun hasoru husi feto sira hodi bele integra iha planu desenvolvementu komunidadi.

Jorge da Costa , Chefi Suku Lalisuk konfesa katak, hanesan lideransa suku ne’ebe foin eleitu, nia urgulhu bele hetan opportunidadi hanesan ne’e atu hatene diak liu tan saida mak lolos hakerek iha lei sira kona ba direitu feto nian, no mos atu bele hare oinsa nudar lideransa komunidadi bele servisu diak liu tan ho komunidadi atu halo relasaun ho NGO sira no Governu rasik hodi implementa sira nia ideas.

Nune’e mos Antonio Casenube, nudar treinador ne’ebe prepara module sosializasaun ne’e haktuir katak, CFEO konsiente katak sei iha frakeja balun ne’ebe persija mos atu hare liu husi lisaun ne’ebe iha aktifidadis sosializasaun ba dala uluk iha sub Distrito Pante Makassar ida ne’e, hanesan lingua ne’ebe difikulta atu interpreta observasaun konkluzaun CEDAW nian rasik.

Maski nune, tuir Fransisco Bano , Adjunto Administrador Oecusse wainhira partisipa iha abertura aktifidadis durante loron 3 ne’e hateten katak:Mudansas signifikantes boot liu husi observasaun konkluzaun ba Governu iha ninia mandatu basea ba relatoriu inisiu ninian observasaun ne’e maka oras ne’e dadauk approva ona Lei Kontra Violensia Domestika iha 3 Maiu 2010.

Nia hatutan tan katak, Lideransa komunitaria sira tomak tengki hakruk ba lei hirak ne’ebe vigora ona iha ita nia nasaun atu nune bele implementa didiak programa governu nian atu hametin direitu sidadania ba feto no mane hanesan.

Benefisiariu direta ba aktifidadis ne’e mai husi membrus konseleiru suku husi suku 8 iha sub distrito Pante Makassar nian hamutuk 59 pessoas inklui feto 20 mane 39 no Paralegal husi kada suku ne’ebe membrus ba Fundasaun fatu sinai Oecusse. No ONG sira seluk.

Aktifidadis ne’e remata iha loron Sesta 28 Maiu 2010 hola fatin iha Salaun Sorumutu Hotel Lifau.

Atu hetan informasaun kompleitu bele kontaktu :

Anastasia de Jesus da Silva

Manager Programa CFEO

Telf : + 670 7780445

Email : centrofeto_enclaveoecusse@yahoo.com

Ou Bele mos visitas ami nia blogspot iha :

http://oecusseenclave.blogspot.com/

Projeitu Foun CFEO ba CEDAW BELE, Lansa iha Oecusse husi Provedor Direitu Humanus no Justica

Projeitu Foun iha Tinan Fiskal 2010-2011 ba Centro Feto Enclave Oecusse ho Titlu iha Englesh Building Empowerment Leadership and Engagementu Using CEDAW ou CEDAW BELE, Officialmente Lansa iha Distrito Oecusse ho Partisipasaun husi Provedor ba PDHJ no Sekretariu Estadu Regiaun Oecusse.

Iha Okazisaun ne’e, Sebastiana Pereira nudar Direktora CFEO, agradese tebes ba partisipasaun husi Provedor PDHJ no Sekretariu Estadu Regiaun Oecusse nebe hatudu ona komitmentu boot atu supporta lalaok husi implementasaun projeitu refere iha Distrito Oecusse.

Projeitu nee, Tulun husi East Timor Justice Servisu Support Facility –ETJSSF programa bilateral ida entre Governu Australiano no Governu TL liu husi Ministeiru Justica.

« PDHJ hanesan Orgaun Independe maski iha Ministeiru Justica nia okos sei apoiu ba Programa NGO sira nebe hare liu ba monitorizasaun no implementasaun husi Governu liu-liu diskriminasaun hasoru Feto sira « hateten Provedor PDHJ . Dr. Sebastiao Dias Ximenes iha Nia Lia fuan ba Abertura ne’e.
Nune’e mos husi S.E Regiaun Oecusse, Jorge Da Conceicao Teme hateten katak « Hau urgulhu ho inisiatifa Lokal sira hanesan ne’e liu-liu husi NGO Feto sira atu nune’e bele haforsa tan Orgaun tomak nia kontribuisaun ba implementasaun CEDAW no ninia Observasaun Konkluzaun iha ita nia Regiaun ».

Lansamentu ba Projeitu ne’e, simboliku mente loke ho Koa KEK ho TITLU CEDAW BELE no hetan partisipasaun maksimu husi entidadis tomak inklui parseiru lokal sira ONG nian, no Departementus hirak iha Ministeiru Justica nia okos.

Alende maski la iha Partisipasaun husi ETJSSF ninia representantes maibe CFEO sira katak Apoiu tomak ba Sociedadi Sivil inklui ba CFEO sei hetan supporta makaas nafatin ate remata projeitu Refere.
Lansamentu ne’e hetan antusiasmu tomak husi NGO lokais no nasional sira hotu, representante Autoridadi lokal sira no Membrus Governu Lokal tomak.

Lansamentu ne’e halao iha Oecusse, Hola Fatin iha Aula CFEO nian iha Loron Kuarta, 12 Maiu 2010. Lansamentu hahu iha Oras Tuku 5. Lorokraik no Remata lolos iha roas tuku 8.00 Kalan.


Atu hetan informasaun kle'an kontaktu:

Anastasia de Jesus da Silva

Manager Programa CFEO

Diresaun e-mail: centrofeto_enclaveoecusse@yahoo.com

Telf : + 670 7609986

Se ita boot preciza informasaun tan, ita bele haree iha ami nia Blogspot ne’e http://oecusseenclave.blogspot.com

Centro Feto Enclave Oecusse Building Empowerment Leadership and Engagement Using CEDAW as New Project in 2010 is Signed

This is an investment from East Timor Justice Support Service Facility, ETJSSF an AUSAID program support to Timor-Leste, trough Civil Society. The Program has approved the CFEO financing Request of a new, 12 Month of $ 43. 461thousand to support to the Socialization of the Concluding Observation of it First CEDAW State Report on 2009 in the whole Oecusse district.


The project entitled Building Empowerment Leadership and Engagement Project using CEDAW or BELE CEDAW will be implemented by Centro Feto in partnership with CEDAW Working Group Timor Leste trough REDE FE TO.
CFEO's Signed the project at ETJSSF Office on 25 March 2010 to formally start the project, the project will mainly focusing on training to the new elected suco councils compose from female and male on the importance of local leader’s rules on implementation of the CEDAW STATE Report Concluding Observation
Merita de Jesus Marques, Members of Trusted Committee highlighted the importance of the CEDAW Concluding Observation dissemination although the Oecusse Region will only cover the 1 out of 13 district in Timor Leste. The new Elected Suco Leaders and those Leader of NGO in the region should be benefit from this project, She added.

The project will target the new elected suco councils, leaders of NGO, youth, and women groups living in for different sub district in Oecusse Region. The Training and Socialization team will be tasked to develop a Module base on the Initial CEDAW State Report Concluding Observation to be translated into a local view and local action toward the implementation of the rules of Civil society Engagement in monitoring the implementation of CEDAW in Timor Leste

For More information please contact the office at Oecusse at 7609986 or sending email to centrofeto_enclaveoecusse@yahoo.com