Loron Merkadu nian, inan ida hamrik hela hiit nia raga modo, nia niman sorin kous no tane hela nia kiik oan, husu ho harohan ba fos faan nain atu hatun folin fos ba $ 16.00, tamba nee mak nia hatene lolos kona ba folin fos subsidi governu nian, maibe faan fos nain hanesan larona, nia kuntinua hateten dala rua ate to tolu katak fos nee nia selu rasik kareta foti iha Ponte kais, lori mai to merkadu tono, tamba nee nia iha rasaun atu faan ho folin $ 17.00.
hare ba, Inan nee mos sura dadauk nia osan resin husi pasta tuan ida, neneik-neneik nia hasai hotu osan ho total $ 17.00 no entrega ba foos faan nain ho pasensia.
ne mak ilustrasaun husi Loron Merkadu nian iha Sabadu, Merkadu Numbey oecusse nian, Inan feto sira barak liu mak buka fos subsidi marka ho MTRC nebe hanesan fos subsidi ba Communidade nebe kbiit laek hodi sosa maibe saida mak akontese?
Foos faan nain sira aumenta presu fos kada karong, ho rasaun tamba folin transporte maritima nebe governu apoiu sira rasik bele aumenta folin nee, Tuir Dekretu lei ba subsidiu Foos nian, empresariu local sira so bele faan foos subsidiu Marka MTRC ho presu $ 16.00 no labele hasae tan, maibe realidade iha Oecusse ida nee la akontese.
Manipulasaun nee fasil liu tan wainhira Ministru Industria nian Gil Alves koalia sai ba Media iha Dili, iha loron Sabdu dia 270908 katak fos subsidiu folin sae oecusse nee normal tamba folin transporte nebe empresario sira rasik hasai. saida mak sai impactu ba ida nee?
Loron-loron povu kiik sei terus no hakaas kabun nafatin hodi halibur osan barak liu tan hodi bele sosa folin fos, no bainhira los inan sira bele determina fali folin fos? se los mak tengki kontrola mekanismu faan fos subsidiu governu nian?
No comments:
Post a Comment